"Weekly Meetings"

hum kahein kaise ki
abhi manosthiti kya hai? (manosthiti = mental condition)
hum baithein hain "weekly meeting" mein
aur band apni zubaan hai.
aisa bhi kabhi hota hai ki hum chup reh payein,
par yeh jagah hai aisi ki sochte hain
kab hum apna munh khol payein.
chalega ye silsila chand ghante aur, (chand=some)
ik tarfa baaton ke silsile ka abhi to shuru hua hai daur.
wo bolenge, bolenge aur bolte chale jayenge,
hum kehna chahein bhi kuch to keh nahi payenge.
is se badttar kya hogi kisi ki dasha? (badttar=worst)
kabliyat ho bahut kuch magar soojhe nahin disha.
aise mein kagaz kalam liye hum baithe hain,
dil mein hai jo baat wo zubaan ke badle haath se hum kehte hain
koi sun le aa kar is dil ki pukaar,
nikale koi aakar humein yahan se baahar.
koi humein is asaadharan vatavaran se bachaye
samjhe humari dasha aur disha koi sujhaye....
koi aaye aur aakar humein bachaye