'Jeet'

vichlit mann
uttejit armaan,
kayi dishayein
magar rasta, na koi darmiyan!

soch hai bekabu
ajeeb sa hai ye jadoo,
kehne ko hai bahut
magar alfaaz, koi kaise doo?

kabhi pal mein tha jamghat
kabhi pal mein tanhayee,
kahin thi pal mein khushiyan
aur kahin achanak aankh bhar aayi !

dosti ka ya shayad
doston se
milan ka tha jadoo,
akele jo hue hain
to khoya hai
khud pe hi kaboo!

bharosa tha khud pe jo
hai abhi dagmagaya
akele mein jo aks ne
chehra aks ko dikhaya!

kyon umadti hai aas
ki ho koi paas,
kyon hota hai abhaas
tanhayion ka khaas?

kyon bikharte hain ehsaas
magar fir se jagta hai vishwas
na ho jo koi, to bhi
jeetna hai mujh ko, mujhi se, fir se aaj !

Comments

Winged Fantasy said…
bas ek pal hai... ek lamha kamzori ka... beet jayega. Na darr, na fikar kar. Mere dost... tu jeet jayega. :-)
Thursday, April 26, 2007 1:03:00 AM
Caladrius said…
"jeetna hai mujh ko, mujhi se, fir se aaj "

bahot sahi.
jeetoge hi. jeete bina manoge thodi :)
Thursday, April 26, 2007 2:49:00 PM
Shruti said…
lovely,
winning from urself the biggest winning and thats what matters a lot..
Take care...
Thursday, May 10, 2007 12:42:00 PM
Nitu said…
mmmmmm nice so maam also into major writing using all bhari bhari words...heheh nice one...liked da last line of the prev poem winning...but it should be winning from others...winning with urself u can do any time...thats in my case ;) ...nice read seriously...hav bookmarked this url :P so expect more comments now hehehe
Saturday, May 19, 2007 12:51:00 PM
Aks said…
@Minakshi
woooo, thats some confidence ! I hope I am able to live upto myself and thats all I want.

@ Sushant
:) aise kaise maan jayenge ?
jeete beena kya jee payenge?

@Shruti
Thanks Shruti for compliments as well as stopping by...

@Nitesh
bhari bhari words bole to ? ... janab aap kahan hain ?
Well reagrding winning on others I dont think I can ever do that. Howsoever happy you make others they remain unsatisfied. There is always a complaint. Atleast with oneself I can work on my own complaints, hai na :-)
Thursday, May 31, 2007 2:22:00 PM
Post a Comment

Popular posts from this blog

Bhaav - Shabdon se pare

Jin bhavo ko tumne Apni panktiyon mein kaha hai, Un bhavo ko maine kayi baar jiya hai ! who lamha jo tum ne jiya hai, un khushi ke palon ko dil mein kayam maine kiya hai ! tumhare sawalon mein dam hai magar shayad meri soch pe bharosa tumhein kam hai! Jati hun jahan pati hun wahan Wahi khushi wahi waadiyaan. Dil jhoomta hai jis mein Tanha ho kar bhi sab se, Un waadiyon ke beech Mit jaati hain tanhaiyaan! Us hariyaali ke beech Paton par padi os mein Bas hoti hai arzoo ki lapetoon Poora aakaash apne aagosh mein. Ik took dekhti hun Kabhi kshitij ke pare tak ki waadiyan Kabhi ho jati hun madhosh dekh kar Na khattam hone wala raat ka wo aasmaan Kahin lagta hai choo kar aaoon Oonche oothte wo pahad, Kabhi lagta hai jaaoon Us bhavya saagar ke paar. Kabhi udti hun badlon mein To machalta hai mann Kabhi sunti hun koi kilkari To khil utha hain mann. Kabhi koi kaato (squirrel) Mujhe hansati hai Nanhe pairon se daba kar Jab mungfali wo khati hai Kisi koyal ka kookna Kisi bache ka chehkna Kisi kab...
Read more
kyon karni hai khwahish kisi ka naam le kar jo khud pe hain yakin to chalo khud ko akela kar! khwahish jo kisi aur ke balboote pe bani ho, toot jaye woh to kyon aankhon mein nami ho? Raah mein milne wale to musafir hain, Kuch pal humsafar ban jaate hain, Jo badalti hain manzilein to, Raah mein akela chod jaate hain. Raahgiron ko apni manzil na batao, jo bani hai kuch yaadein, ho sake to unhe bhool jao!! yaadein jo banti hain sahara kisi ka pa kar toot-ta hai sahara to nikalti hain aankhon se beh kar to rakhna hai kyon khud ko mohtaaj kisi ka bana kar karni hai bandagi kisi ki to sirf bharosa karo khud par! tab bhi bikhrengi khwahishein, aur tootenge armaan, jo dekhoge peeche to milenge apne hi kadmon ke nishan! bharosa jo tum ko fir se dilayenge, kisi toote dil ki daastan na fir se douhrayenge! bharosa tootega nai, khud pe mazboot hoga khwahishon ke tootne pe hi, nai khwaishon ke janam ka josh hoga ! This is in repsonse to DreamCatcher's comment to previous post :-)
Read more

'kyon'

oonche aasmaan mein ghane badlon ke beech, udi chal jati kahin sochti hun akhiyan meench! 'kyon' udta hai man bhare badlon ke jaise, sachayi-numa pahadi se takra 'kyon' behta hai pani fir aankhon se? 'kyon' koi khwab aankhon mein aata hai, aakhir kaise koi chehra dil mein samata hai ? fir 'kyon' nam hoti hain kisi ki yaad mein aankhein, dil baar baar ro kar 'kyon' zaar zaar hota hai ? chahton ke dayere mein bandh kar 'kyon' insaan samajh apni khota hai, vastavikta samajh kar bhi 'kyon' paristhityon ke haathon majboor hota hai ? dard se jhoojh kar dard se hi shakti pa, fir bhi 'kyon', dard bhari yaadein sanjota hai? dard se hi rishta banata hai?
Read more