'kyon'

oonche aasmaan mein
ghane badlon ke beech,
udi chal jati kahin
sochti hun akhiyan meench!

'kyon' udta hai man
bhare badlon ke jaise,
sachayi-numa pahadi se takra
'kyon' behta hai pani fir aankhon se?

'kyon' koi khwab
aankhon mein aata hai,
aakhir kaise koi chehra
dil mein samata hai ?

fir 'kyon' nam hoti hain
kisi ki yaad mein aankhein,
dil baar baar ro kar
'kyon' zaar zaar hota hai ?

chahton ke dayere mein bandh kar
'kyon' insaan samajh apni khota hai,
vastavikta samajh kar bhi 'kyon'
paristhityon ke haathon majboor hota hai ?

dard se jhoojh kar
dard se hi shakti pa,
fir bhi 'kyon',
dard bhari yaadein sanjota hai?
dard se hi rishta banata hai?

Comments

Anonymous said…
ye kyo ..ka jawab hi shayd mrig trishna hai...har pal jab hame lagta hai jawaab mil gaya..ya uski asha hi nazar aati hai...hum us aud mud jaate hai..lekin fr ek naya daur shuru hota hai...

filhaal..
is "kyo" ka jawaab sachmuch nahi hai mere paas...

its really beautifully expressed aks..
very thotful
Wednesday, June 13, 2007 1:20:00 PM
Aks said…
@Dream Catcher
Thanks !
The quest is on and I will never want it to end. Life ka maza khattam ho jayega shayad tab :)
Thursday, June 14, 2007 1:05:00 AM
Anonymous said…
zindagi ka maza hi wahi hai ha ha..
agar boonde barse na to fir jharne ki khooshboo hi kya :)
Friday, June 15, 2007 12:15:00 AM
Caladrius said…
vastavikta samajh kar bhi 'kyon'
paristhityon ke haathon majboor hota hai ?

kyunki paristhitiyan hi vastavikta tay karti hain. mere khayal se.
Friday, June 15, 2007 12:58:00 PM
Aks said…
@Dream....
boondein na barse
aisa hota hi nai,
kahin behte hain aansoon
kahin hoti hain hansi!

kabhi hoti hai kashish
khud ke aansoon dabane ko,
kabhi khulti hain baahein
jharne ko khud mein samane ko!

sach hai khushboo sab ki
hoti hai alag,
aakhir maza zindagi ka
aata hai tab !

@Sushant
Well said Sushant,,, nazariya hai magar ek dam sach
Sunday, June 17, 2007 12:01:00 PM
Anonymous said…
reading this..i go...nishabd
Monday, June 18, 2007 1:40:00 AM
Aks said…
Sorry dear! this is Hindi, an Indian language...
Friday, June 22, 2007 11:54:00 PM
Disha said…
"kyon" dil tarasta hai tumhe paane ko..
kyon pareshan ho jaate ho humare gum ho jaane par..
kyon kareeb aa kar bhi rehte ho durr sada
kyon dekhte ho mujhe iss tarah

..Well written Aks..I like the way u write.. Go on..
Saturday, June 23, 2007 3:39:00 PM
Nepali Akash said…
perhaps the reason is "kyon ki saas bhi kabhi bahu thi" !! what ya say?

read a good poem in hindi after a long time. is there anyway we could read it in hindi script?
Monday, June 25, 2007 10:29:00 AM
Aks said…
@Disha
Thanks for the lovely comment. Actually these lines u wrote r part of my new creation :)
Its good to see someone thinking on same lines and yes thanks again for stopping bye

@Nepali Akash
Thanks for the visit to my page Akash. I m just trying to put together both ur lines, the first 'Kyon ki...' the second that poem in hindi is good and wondering what that actually implies... Actually for me 'Kyon ki saas bhi.....' is a negative way of looking at it....I hated that serial to core...n could never convince myself to watch it appreciate whoever did.
Monday, June 25, 2007 11:14:00 AM
Post a Comment

Popular posts from this blog

Bhaav - Shabdon se pare

Jin bhavo ko tumne Apni panktiyon mein kaha hai, Un bhavo ko maine kayi baar jiya hai ! who lamha jo tum ne jiya hai, un khushi ke palon ko dil mein kayam maine kiya hai ! tumhare sawalon mein dam hai magar shayad meri soch pe bharosa tumhein kam hai! Jati hun jahan pati hun wahan Wahi khushi wahi waadiyaan. Dil jhoomta hai jis mein Tanha ho kar bhi sab se, Un waadiyon ke beech Mit jaati hain tanhaiyaan! Us hariyaali ke beech Paton par padi os mein Bas hoti hai arzoo ki lapetoon Poora aakaash apne aagosh mein. Ik took dekhti hun Kabhi kshitij ke pare tak ki waadiyan Kabhi ho jati hun madhosh dekh kar Na khattam hone wala raat ka wo aasmaan Kahin lagta hai choo kar aaoon Oonche oothte wo pahad, Kabhi lagta hai jaaoon Us bhavya saagar ke paar. Kabhi udti hun badlon mein To machalta hai mann Kabhi sunti hun koi kilkari To khil utha hain mann. Kabhi koi kaato (squirrel) Mujhe hansati hai Nanhe pairon se daba kar Jab mungfali wo khati hai Kisi koyal ka kookna Kisi bache ka chehkna Kisi kab...
Read more
kyon karni hai khwahish kisi ka naam le kar jo khud pe hain yakin to chalo khud ko akela kar! khwahish jo kisi aur ke balboote pe bani ho, toot jaye woh to kyon aankhon mein nami ho? Raah mein milne wale to musafir hain, Kuch pal humsafar ban jaate hain, Jo badalti hain manzilein to, Raah mein akela chod jaate hain. Raahgiron ko apni manzil na batao, jo bani hai kuch yaadein, ho sake to unhe bhool jao!! yaadein jo banti hain sahara kisi ka pa kar toot-ta hai sahara to nikalti hain aankhon se beh kar to rakhna hai kyon khud ko mohtaaj kisi ka bana kar karni hai bandagi kisi ki to sirf bharosa karo khud par! tab bhi bikhrengi khwahishein, aur tootenge armaan, jo dekhoge peeche to milenge apne hi kadmon ke nishan! bharosa jo tum ko fir se dilayenge, kisi toote dil ki daastan na fir se douhrayenge! bharosa tootega nai, khud pe mazboot hoga khwahishon ke tootne pe hi, nai khwaishon ke janam ka josh hoga ! This is in repsonse to DreamCatcher's comment to previous post :-)
Read more